Ба гузориши Садои Хуросон ба нақл аз Ховар ва Хадамоти гумруки Тоҷикистон, дар мулоқоти cардори Хадамоти гумруки назди Ҳукумати Ҷумҳурии Тоҷикистон Хуршед Каримзода бо cафири aавқулода ва vухтори Ҷумҳурии Исломии Эрон дар Ҷумҳурии Тоҷикистон Алиризо Ҳақиқиён тавсеаи ҳамкории ду давлат дар соҳаи гумрук баррасӣ гардид.
Зимни мулоқот ҷонибҳо ба таҳкими ҳамкорӣ дар самти омори гумрукӣ диққати махсус дода, зарурати мубодилаи маълумоти гумрукиро тибқи Протоколи техникии баимзорасида байни мақомоти гумруки ду давлат таъкид карданд.
Ҳамчунин густариши ҳамкории гумрукӣ дар доираи Комиссияи муштараки байниҳукуматии Тоҷикистон ва Эрон мавриди баррасӣ қарор гирифт.
Дар мулоқот масъалаҳои тақвияти ҳамкории иқтисодӣ, таҳкими робитаҳои тиҷоратӣ ва ҷалби сармоягузории дуҷониба низ муҳокима шуданд. Ҷонибҳо изҳор доштанд, ки ҳалли мушкилоти мавҷуда метавонад ба рушди ҳамкории устувор ва дарозмуддат мусоидат намояд.
Сафири Эрон оид ба такмили расмиёти гумрукии интиқоли молу воситаҳои нақлиёт байни ду давлат изҳори назар намуд.
342/
